By Lalngaisang
Ngaita, busuongtu ringum chun runin sungah,
Lungte remkhawm chungah khawl ringum chu a rem;
A run sung chu meikhu zing rieia bawmin,
Hmai le chawnbana thlangtui lunglawmna ding.
Nunghak tlangval, naupang, pitar, putar ta dingin,
Sathu, machi, changal, hmarcha chawkpawl chu,
A tha tawk; kawltu chawia ramtuon dingin,
Thahrui a pek; sikul hraichawi ta dingin
Hrietna tha, sierkawphai hriet theina,
A pek, ei tlangram thil.
Sappui dar siem le sana hrim a ngai ta nawh,
Thangvan siar le sawrthlapui le turnipui;
Inher le archal khuongin a keitho,
Tuk tin zan tina rawngbawl di’n an pei,
Chung Pathien siemtu chu inpak tlak a nih.
Sikul hraichawi hai chun nang a lo nghal zing che,
Lunruol taka an chan I siem pek ding hun chu;
Thlier bik hrim nei lovin an chan I siem pek a,
Hraichawihai chun lungruol rakin an chang,
Busuongtu ringum chu inpak tlak a nih.
