By HC Hrangate
Tiena pi pu hrang hlui ka sawnin,
An sulhnung chawng puon ang chul le;
Lungmawia an tuonna ka dawnin,
Aw ka ngai pi pu suilungmawlin,
Khawzo thing lenbuong ieng an zarna Hmar tlangpui
Khi ka enchim thei nawh;
Zuong tho zai an rel si nawh; leng an leng ie.
Sakhmel an dang chuong nawh thangthar nau,
Hmar tlangpui khawm hi an sang chuong nawh;
Sienkhawm thangthar nau ang kan hlimna,
An hril thlang sappyui nun ngei a nih;
Aw pi pu khan hre sien Alphabet le an hril,
Sappui Up-to-date news;
Pawmlai nau ang mawl bikin ka ring chuong nawh.
Aw eini Hmar hrai-chawilai ngei hin,
Ram zalenna hi ei tum ni sien;
Thudik le fel, tha le mawihai hi,
Tan tlat le hmang peia kalchawiin;
Malsawmtu chung Pathien rawn peiin ei rem le,
Hnam inrieng zalenna
Malsawmtu Pathien mi pe ngei a a tih.
