By L. Remsang Varte
Hun le nihai hung inher liem peiin
A hung hersuok fur hun malsawmna;
Van ruotui chawmin a hung inchawr thar ie,
Hming mawi lem naw sienkhawm HLONUOR;
Inthanglienin kan vangkhuo sukmawitu di’n,
Thleitir sakhmel iengin a vul chiei ie.
Aw, I mawi ie chung khuonu chawi lienin.
Vul zing el rawh chuoilo par iengin;
Va khuoiin I zar mawi chuon naw siwnlakhawm,
Nang ngei hi I lo nih khuonu
Kut thiemzie le mawizie hai suklangtu chu,
I piengphung hin ka ko che sakhmel mawi.
Chawnbana chawi dingin ka bel sakhmel mawi, ,
Sienkhawm, I chunnu’n a phal naw che;
Hnung tieng a mi’n nghatin ami nuor san hi,
Ka phu nawh enchimlo par mawi,
I sakhmel reng hi chuoiin a mawi si nawh.
