By Lalthlamuong Keivom
Sappui runrem sungah kai a,
Ziekfung chela tuonrel ni tin,
Lung a dam nawh, ningtel a na,
Hai ang tar hma reng a awl ngei.
Zo tlang sangah va chuong inla,
Siengmit lenninthlir vel inla,
Thalhna virthli’n a len angin,
len hmang a ti lungkham reng hi.
Zo tlang sangah mu ang lengin,
Thing tin par ang nan vul naah
Virthli hrang del delin dawi ang,
Damlai lungkham thawi dam a tih.
Tlang tin ruom le zawlphai an lang,
Sirva par tlan hlimzai vawr le;
Thei chang siemnmaw zo tlang sangah
Kumtluong runrem ka va nuom ngei.