By Lalthlamuong Keivom
Thangvansang turnipui le,
Sawrthla si-ar lungruol hai;
Van zawl mawitu chung vakawl ieng
Khawvel mawina an lo nih.
Hringmi tawnah par ang vulin,
Siemtu lal anchawi lawmin;
Kei ka tawnah khawvel mawina,
Enchimlo par ilo nih.
Zing chu turnipui par zunzam
Boruok thlifim, virthli leng;
Van daidaw fim, romei zam riei,
Khawvel mawina a lo nih.
Par mawi tin thang khawtlang bawmtu,
Zu ang tlantu, khuoiva leng;
Ramsa lengchangram si tlantu,
Khawvel mawina an lo nih.
Thing tin mawitu rengchal, uleu,
Puolrang thlakhawng rimawi rem,
Suonlungpui, siktui luong deldel,
Khawvel mawina an lo nih.
