By Lalpienglien Pudaite
Ei lengna tlang ram hring dum duoi
Zo thlifim par tin mawi hnuoiah’
Thiemna run kan kai nitin in,
A sungah hnam tin chi tinreng
Lungruol taka dar ang lengin,
Biethu tin hrilin zai tin kan vawr.
Hung kai ve ro, hung zawm ve ro,
Bengvarna le dan mawi tinreng;
Thiemna le varna hmung it tih,
Hmatieng kan pen nun an sang pei,
Thuoitu lalpa malsawmna zarin.
Khuoi ang kaina run insungah,
Thaikawi tin thiemna le hrietna;
Khawvel chanchin thilsiem bulhai,
Hrietna dinga kan tuonna hi,
‘Ei hnam lungmawl ei ram riengvai,
Mawina le insangna ding’ kan tih.
Thei tawp suo ro, mi tinrenghai,
‘sappui nun ienga lengna ding;
Ram hmasawnna hnam zalenna,
Ei chung zangna bulpui a nih;
Inthuruolin hma pen ei ta’
Ei Pathienin mi thuoi pei a tih.
