By Lalthlamuong Keivom
Kan run sirah tlangkhuo mawiin,
Tuopui par vl sen singseng;
A part hningzu tlan va-khuoi lengin,
Chawngchen sunni an tlum.
Tlirin suilung a va hnem ngei,
Tuopui par vul sing seng;
Thal khuo romei zam zing riei karah,
Tlangkhuo mawiin an vul,
Furkhuo’n bukthing zar mawiin an hlan,
Sirvaten run lum an rem,
Sikpuiin sawm tilh hna nem buhaik,
Tawnsen mawi lem tawn din.
A kung hling bawm, tawkphar a ieng,
Thlirin suilung a hnem nawh;
A zik thlunglu sen par tawn reng chu,
Lung hnem par mawi chang.
Lenglai sakhmel tawkphar a ieng,
Ngaino bei naw sien lakhawm;
Nun-thing par mawi thang sakhmel chu,
Ngaino bei a chang hlak.
