Chung Mimsiel

Vangkhaw mawiah tlamgtin ka thlir vel a,
Kawlvalengsam ram hring dum dur an lang;
Zo sum leng hai thangvan hrut duldulin,
Chawnpat ang var sieving kawlram an pan.

Chung mimsiel leng duoiduoi rawh thangvanah,
Tlang tin hrutin khuongruo insurtir la;
Hliep min zar rawh turni savung hnuoiah,
Thlai hna nem le hring tin lawmah chang rawh.

Thang sang bawma I thla I zar khum ha’n,
Khuolzin cham sawt ti’n an lunginkham che;
Thangvan lawnga lenghai lung sukphantu,
I thla zarh chuongin leng ka nuom ngei!

Turni savung hnuoia hna nem parha’n.
I thla zar deihlium ngaiin an inrum;
Leng duoiduoiin I thla hlim zar khum la,
Sawmfang hma val sawl dawi ang thawi dam rawh.

Turni liem tawm favang lenkawl thlirin,
Mimsiel pangparh tlang ang an inzar duoi;
Turni engine sunin ze mawi an thlakl,
Thlir nghawk um lo, mimsiel I mawi chuong ngei!