By Lalthlamuong Keivom
Thiemna runpui kai suilung ruolin,
Thaikawi zie-tiel dar ang saiin;
Varna fiertui tling chu si ang tlanin,
Thiemna runah tukram kan tuon.
Thiemna runpui kaia tuon sin relin,
Ziekfung mawi kan chawi hnamchen nekin;
Rem le hnam hmasawnna ding inchukin,
Lung kan ruol thiemna run sungah.
Tiena pipu suilung an mawl leiin,
Thiemna savun lekha lo chan;
Thangsuona’n do tin thlunglu lo lain,
Hai ang mawlna run an lo kai.
Hun an dang, nun an dang, thiemna runah,
Varna thangsuo puon kan inhawlh;
Thiemna bungpui phunin tuon kan rel,
A zar hnam tin chawldamna ding.
