By Lalthlamuong Keivom
Hlimna kawl eng hung inlangin,
Thangvanah sumrisang an zam;
Ni rawng ze mawi kima cheimawi,
Thangsuio nemrang puon i ieng ngei.
Sumrisang aw in zam chuoi la,
I rawng mawiin suilung a hnem;
Thangvan sang tuol I mawi angin,
Piellei hmun hi hung zam mawi rawh.
Tiena pipu lungmawlhai chun,
Rulpui siktui dawn an lo tih;
Sienkhawm thangthar lungthiemhai chun,
Ni zung sum mawi hu zam lo tih.
Chung Pathienin khawtotim a,
Thuthlung biethu a lo tiemna;
Thangvan lalthungpha zam veltu,
Hlimna rising zam vel lo nih!
