By Thattinlien Sungte
Tiena nghaknu bau thlum bona dinga,
Burtui khu an lo tih;
Tlang sappui sikhret le vaipa biri ngai lo,
Lengi burtui al chu chaltui valin a lo lawm;
Aw a dum khu a al si ,
In lenghai va sem rawh.
Aw a ri chu KAR KAR KAR
Al ta maw zuk intem tam?
Ka ngaina ie ka pi burtui lo siem hi.
Aw a mawi, a mawng chu chal rawthei,
Dar kuol zaiin ka hren;
Themthiem pa tibur lai at rek leh kan buk a.
A chawnbana tawng thut le thir khaidiet le sunthlak;
Kunthi ruo le buon bil dumbelu
Leh kan buk a mawi ngei !
Mansate iengin dumdip an tih,
Dum khumna a lo nih;
Kauzing dum Kauchang tawl dumdipah ka lo khum a,
Buonpil dumbelluah ka beng, thingthu hring ka dawk;
Aw a al tah theidawt le theium,
A khan va sung ta rawh
