By Thattinlien Sungte
Tiena Pi le Pu remhre thiem ha’n
A sakhning ‘singtur dumbel’ an tih a mawi ngei,
Thlang sappui siem sa sikret nekin,
Ka thlang lem ie ka singtur dumbel hi.
Pawisa seng a tlawm an hnik bawk si,
An ru si, a rim an hnik bawk, a tha bawk si,
Ka pi ka pu lo ruotsa.
Aw a maawi ka atih a sakhmel hi,
Mauraw kuong dawn tawng ka siwm a khu suok an hnik,
Kuolthirthlak ka siem a mawi zuol ie,
Ka thlang lem ie ka singtur Dumbel hi
Mawi ka tih mauraw dang hieng zat lai,
A hmel a mawi, a chang, a kuo a pieng a tha,
A mawngah kharsin ka hang siem chun,
Ka thlang lem ie ka singtur Dumbel hi
