By H. Suokhum
Zantieng vangkhuo sumtual zawlah,
Lenruol kimten nun kan nuom, ,
Phei vawr sieusieu, chaenban vai mawi,
A ri’n vangkhuo a nghawr vel,
Tleng tleng, tet tet, tleng tleng tet tet,
Chinlai lenruol zaleng an mawi,
Sawrthlapui eng riei hnuoiah.
Tiena Pipu’n ‘tuolfasumsuk’,
Lasi rauleng ti’n lo tih,
Keini ruolthar nunkhuo nuomna,
Sikpui khuongchawi ieng lo nih,
Lengi, kan rawh, val mawi, zui rawh,
Ngur sakhming mawi korvaipa tuol
Zawlah kan rem mawi sieusieu.
