By Lalthlamuong Keivom
Tuisam zuong put, khuongruo surin,
Luong demdem e, tuihnar changing,
Piellei ramchar, hnawmgram changin,
Si ang tlan e, hring tinrengin.
Turni hung sa, zosum an kieng,
Thal ni hung suok, khuongruo hung chat,
Tuisam, putin khaw thal ral ang,
Dai ngam lovin, hung kang inchat,
Hringnun tuisam a hung put hlak,
Malsawmna khuongruo sur changing;
Hlim ni, lawmni an hung leng hlak,
Zingkhuol ang let nawk el dingin.
That lai nihai, vullai nihai,
Tuisam ang an kang ral nawk hlak;
Malsawmna le vangneinahai,
Sirva ang an vuong hmang nawk hlak.
