Thangsuo Hla

Zanmu ka sing thagril laiah,
Tawnmang rauthla leng vak maw ie;
Zing ni kawl eng bu-ar lo pau,
Zanmu sing har tang ie,

Val lung a leng a khi zopui,
Thingte par vulna khin;’chawngtinler le sahrang tin,
Laituol an lengna chu.

Rawl lien tluonthlir lo ri hum hum,
Kawl kei lo tlu sai lien lo zal;
Zuknu maw ni vawmphuoi an tih,
Haulai changsiel inlam,

Hrang tinkim thlunglu tluntu,
Thangsuo zo pasaltha;
A chu ngei chu maw lo nih,
Pipu thangvan kaina.

A khin ram leng sawma,
Va pai an vel, tluonthir an thuom;’mihrang, saltha le ramvachal,
A zuitu kawl uithiem.
Hniek hnung damsa an va haw lie,
Rawl rang, kawr thuok le tlang khanthuom;’tluonglam phei lo chang maw e.

Runah nau ang chier nguon chu e,
Sahrang thlunglu hmuok an nih;
Chamwkhuong an ben lallai dar ri’n,
A thawng chunnu lunglai.

Thangtin suo pasaltha’n vangkhuo,
Tlangpui a nghawr vel;
Suotlang mawiah lengi’n lo nghak,
Hailing tin mawi cham chiei lo hlan.