By Kama Sungte
Hmar tlang chil di’n a lien;
Sienkhawm zaleng kan tual chaina,
A chul chuong nawh hmatieng a sawm.
Hrang mi suotlang muyol an liem,
Chengrang lein chawia hma panin;
Chung pathien ruot reng am lo nih?
Hrang mi;n thlafam an lo chang chu!
Kan ngei chei ie in sulhnungah,
Thlafamin muol liem unla khawm;’
In sakhming hril hi kan bang nawh,
A chul bawk nawh in sakhming hlu.
Ei ruol la thar pei haiin,
Hrang mi thlafam hnung hmasielin;
Chul ngailo an sakhming hlu hi,
Zai hla remin chawi ei tiu.
Aw, Hmar tlangpui innghil naw la,
Nangma sana thlafamhai hi;
Ṭhal tui ang kan nghak chung zangna,
Khuonu’n a siem ni khuo chenin.
