By Kama Sungte
Zaleng tin an lawina Hmar tlangpui hi,
Kan peing, kan murna ram par thing tin vulna;
Hrang mitha piengna le thla an famna,
Seething zar mawi lelte zairemna.
Aw, a mawi ka pieng, ka seilienna ram ngei hi,
Hmar runpui tin ko ka tih;
Buonlei chang hnu pi pu phum lung remsa,
Hmar tlangpui zaleng lungkham bangna.
Par thing tin an vul chiei tlang tin karah,
Lawnlei, Vau, Pangpui, Phungchawng, Samthlangpar;
Tuktinpar, Nauban, kangtek, Tuopui, Phulbawm,
Nizungzam – en par mawi ha’n an bawm.
Tukram chul hnu riengten hei thlir inla,
Zoram, Rengchawnghawl, Tuoilo- par an vul;
Thla – favang lenkawl eng ririei karah,
Mimchirikut, Thuva ha’n an awi.
Sumtuol zawla thlangrei, thielpui, dingdi,
Meisem- par, zaenghnuong, di par le kumtluong;
Le Hmar tlang bawmtu Tlaemngaina par hi,
Vul zing raw she, kumtluong chen khawmin.
