Dar Ang Lengna

Kan tlangram mawi, hring dum dur hi,
Lentu sawl thing tin an vul chiei;
Thlirin a mawi, salung a awi,
Zo thlifimin damte’n mi thawi.

Dar ang lengna kan tlangram mawi,
Zai tin rema kan chawi ram hi;
Par ang vul zing rawh kan tawnah,
Lungruol dar ang lengna.

A thing zar mawi va tin kaina,
A changram hnuoi, sa run lumna;
Puolrang thlakhawng muol tin hrutin,
Van zai an rem, mawi chuong rengin.

Ri hawk haekin ruom tin zuiin,
Zai hla an rem, Zotui thieng ha’n;
Rengchal, uleu Favang awiin,
An kiu vawng, lenlai phamin.

Thangvan li ang a pawl dum riei,
Sawrthla, si – ar an mawi chuong ngei;
A run lumtu hringmi leng ha’n
Suilung kan ruol, zai tin chawiin.