Lalpa Kan Hmar Ram Malsawm La

Lalpa kan Hmar ram malsawm la,
I zangaina kuthratin thuoi la;
Tlang tin, ruom le phaizawlah,
I malsawmna khuongruo ang sur sien;
Pipu chenna kan ram, kan hmangai,
Nangin mal hung sawm rawh.

Kan ram, kan hmangai le kan ta,
Halloten hmatieng pan pei sien la;
Hnehna puonzar chu khaiin,
Doral sum ang zing hai sienlakhawm;
Hmelma ke pen ri inrum sienkhawm,
Hma tieng pan zai rel rawh.

Aw nang kan Hmar ram, kan hmangai,
Zarva anga lung kan ruolna ram;

Hieng ang hrima hming mawi hi,
Hringmi khawvelah hin a um nawh;
I sunga hin hnamtin lung kan ruol,
Aw kan Hmar ram kan ta.

Lalpa kan Hmar ram nghil naw la,
Thiemna le varna, insangnahai;
Khuoi ang an kaina run di’n,
Nangin malsawmna’n hung vur zing rawh;
Mipuihai hma thuoitu nang ni la,
Kan hmaah ngir zing rawh.