HSA

By Hranghmingthang Varte

HSA, HSA, HSA,

‘H’ – Hmar, ‘S’-Student, ‘A’ – Association;

Hmar thiem-in zir inzawmkhâwm pâwl,

I sakhming ‘HSA tiin kan ko, HSA.

Tiena Pi-Pu, lungmâwl thingbul, lungbul bêl maw e,

Kawlva lênsama tharsa nun lo ieng maw?

Khuovangpa riṭiel changhnaah biethu kim naw maw?

Thlang sâppui tuorem A B C tawnmangah mang maw e,

Keini thiem-in-zir Sikeisen lâwina HSA

Keini thiem-in-zir pâwl Hmar hrailêng châwilai kan nih,

Thlang sâppui tuorem zerâng tinrêng châwiin;

Tawng tin chungah lengin Babel run insang kan chuon,

Tiena Pu Lalruong dâwibur hleia thiemna bȗr kan tum,

Thangvân sângah kâwlva ang lêng ing e, HSA.

Aw, nang kan neisun

Hmar thiem-in-zir inzawmkhâwm pâwl,

Nisa angin var zing rawh, Hmar tlângpuiah,

I sakhming nau ang kan lâwm, I thilthaw zuopa ang,

Hmar hrai châwi lungmâwl ha’n

I zȗ khuoi ang sawk kâr nghakhla’n,

Tlumte ang thlina singmit kham lâwng e, HSA.