By Hrilrokhum Thiek
Zaleng kan lawm nunkhuo hrui ang sei sien,
Nun kan nuom lai vangkhaw zawlah,
Khawlva lengin thla a khawng;
Hmar tlang dum duoi inthim chungah,
Zuopa lunglai a thawng vel.
Kan tuolchaina an dang hei en vet u,
Hnam tin chi tin chungah zalenna, varna,
Thiemna le insangna,
Insurtir la khuongruo ang kan tih,
Hmar tlang dum duoi par vul raw she.
Kan tuolchaina an dang hei en vet u,
Sumtuoi zawla lenruol kima,
Sawrthlapui eng riei hnuoia,
Eiethu tina zai kan vawrna,
Hnung kan sawn lunglai sir ang.
Ka chun nunnem umkhuo insert naw la,
Hrai thar par ang an lawman chu,
Hranglu ang zuong indawn la;
Hung hawn de ning zaleng lawman,
Hringkhuo tui ang lo dam sien.
Kan ram tuonna singmi tin bung karah,
Tukram kan tuon runin sungah,
Sawmfang kur nguoi phek za tam;
Valhriem, lunglai maw van dawng chu,
Ruol thar lunglawm a lo chang.
Nghil naw la, hnam lungmawl, ram inthim khi,
Par kar nghakhla’n thu tin an sir,
Ramnu sermei ang kan thlir,
Thlang sappui nun tha le mawi chu,
Chunnu lawmna’n hung hawn la.
