By Hranglien Songate
Kan lengna tukram hring nghieleh,
Thing tin par sawl ang cul chiei a;
Damlai tui thieng le thlifim chamna,
A mawi zie tu’m a hril thei ding.
Hai ang mawlna hun hi lien sienla.
Thangno ruol kim nun hung mawi rawh,
Varna le thiemna damtue ang,
Luong demdem rawh kan ramah,
Hun le nihai kum ang an dang,
Ruol hluihaiin muol an liem tah;
Anni hai bo hnu’n ruol tharhai,
Sakhming that muol ang chunghnung rawh.
Muol le tlang tin le phai cham, ruom,
Ka thlirin a mawi, hril thei lo,
Lenti zara rengte zai le,
Kulvareng le huiva’n an awi.
Mim le sawmfang kan thlaio tinreng,
Lawmlai lungruola kan tuon sa;
A par fim ding kan lo nghak chu,
Chungkhuonu zarin malsawm rawh.
