By L. Darngawn
Aw nang kan lengna hmar tlangpui,
Par mawi angin hung vul rawh;
Varna, thiemna, insangnahai,
Khuoi ang kaina run ngiei lo chang rawh.
Aw nang, kan lengna ram mawi,
Hmatieng panin kalchawi rem pei la;
Inthimna hun chu hnung sawn la,
I ta din kawl a eng tan mek tah.
Chun le zuo, tlang zaleng ruolha’n,
Tlumte ienga an lo thlir;
Leng dang singa ei lengna ding,
Par angin hung vul sien kan tawnah.
Sappui nun zir val le lengdawn,
Zuopa lunglai hnemtu ngei;
Aw, mihrang lawi ang inthangna,
Chun le zuopa, ram ta ngei nisien.
Lalpa kan ram I ta ngei chu,
I kut tha hratin thuoi la;
I ta dinga ram thienghlim di’n,
I malsawmna hlu chun hung vur rawh.
