By HV Vara
Thlir ta u, saktieng kawlkung khi,
Turni hung suok lenlai valpa ram tuonna;
Nghaknu lenruol, ‘Damtakin
Mangtha’ tia chawnban chelin,
Ei tlang ram mawi ei suoksan tah.
Thlir ta u, ei tlang ram mawi khi,
Sawmfang hma val chun le zuolhai an tuonna;
Mihrang thar suok an mi nghak,
Tawng tin serkhuo kham ei ta,
‘Kan ram, ka hnam’ ti’n thawng ei tih.
Tiena ei pi le puhaiin,
“Bunsai a hlu, ruongthei a hlu” an lo tih;
Nghaknu pheiphung var nekin,
Thlang sappui varna a hlu;
Kulhraiin a chu zawng lem rawh.
Kulhraiin-theipatawpsuo.