By Lalthlamuong Keivom
Aw nang kan lengna hmartlangpui,
Par angin hung vul rawh;
Inthuruolna, tlawmngaina hlu,
Ringumna le varna;
Thlunglua tawnsawn ang tawnin,
Hmatieng panzai rel rawh.
Nun mawi tha par tin thang ngei chu,
Chawllai tumkau nisien;
Dan suolhhai chu puon ang hnawlin,
Nun dan mawi inbelin,
Varna, insangna ram panin.
Hmatieng panzai rel rawh.
A mi hril thiemna le varna,
Insangna ram panin;
Nundan suolhai hnungtieng sawnin,
Hma tieng pan zai rel rawh;
Leng dang sienga kal chawi hratin,
Hmartlang hung par vul rawh.
Pipu lunglawm lenbung zar mawi,
Par ang I vul ngahkin;
Nghaknu, val siengmi tinrengin,
Lung thlum tui ang kla nghak;
I ta di’n khuo a var tan tah,
Chung khuonu leng zarin,
I parmawi rimtui hngingzu ang,
Khuoi ang thlan ka nghakhla;
Chawilai nauang inthanglienin,
Chung khuonu’n hujol sien che;
A ban tha hrat hrui ang chelin,
Hmatieng pan zai rel rawh.
