By T. Khuma (1954)
Tinkim ka dâwn changin Hmar tlangpui
Ruolkima darang kan lengna ram hi
Kan ram le kan ta ngei a inchang la
Lunglawma khuoi ang chawlna ding kan ti
I sakhming vanhnuoi a inthang sien
Aw a mawi a par ding chu dar ang kan lengna
Ṭhangruolin Hmar Puonzar chu khai ei tiu
Sappui nun ngailo a ei lengna din
A hi a nih kei kan hnemna chu
Ram hmangai an hril BA lekhathiem
(Ram hmangai an hril kai zaleng ruolhai)
Thei tawp suo'ng ei tiu le a ram ta din
Kawl ang a eng ṭan ve ta ei lengna
Sak le thlang sim le hmar ram tina,
Phung le chang chi le kung chu tam sienkhawm
Eich-em-a-ar Hmar hi a lo nih
Pi le pu chen khawma an lo sak sa.
