By L. Darngawn
Fur khawthieng sawrthlapui dengriei hnuoiah,
Sappui thiem, rangka-dartui ngai lo,
Ainawn par le di sakhmel ieng reng,
Fur khawthieng sawrthlapui par a vul nawk tah.
I mawi chuong fur khawthieng sawrthlapui,
Chung si-ar, sappui thiem tinreng,
Thleitir sakhmel par vul nek khawmin,
Aw I mawi chuong, an rieng lungmawl ka tawnah.
Lanu-val lungruol kimten lengin,
Khuoi ang kaina runin sumtuolah;
Fur khawthieng sawrthlapui eng mawi lawmin,
Nau anga hlimin biethu tinkim an sir.
Ka thlir vel kan run sira lentu thing tin,
A hna nem rangka-dartui luongna,
Hring tin zaleng par ang an lawm.
Rakhen khuo lo chang hringmi lengna peillai.
Si-ar zaleng singtu vulmawite,
Peillei mawitu, lentin lawman par;
Leng ka nuom kawlva ieng thangvanah,
I par mawi zung zam sawn ang tawn ve dingin.
